Ég var að ljúka við lestur Sjálfstæðis Íslendinga þrjú núna rétt í þessu. Það var ágætis lesning.
Áðan var í í bingói með bróður mínum, Agli, í MR. Það var alveg ákaflega gaman.........vitiði afhverju? Jú, því að ég gerði mér lítið fyrir og vann heilt Nóa Sírius páskaegg nr. 6!
Svo var ég næstum því búin að vinna leikhúsmiða í Borgarleikhúsið en heppni mín yfirgaf mig á síðustu stundu því það var önnur stelpa sem fékk bingó á sama tíma og ég. Við þurftum að draga spil uppá vinninginn og ég þurfti að lúta í lægra haldi því að ég dró tvist (lægsta mögulega talan, því ás var hæstur). En mér er bara alveg sama því leikhús er bara leiðinlegt hvort sem er!
Meðan á öllu þessu stóð var bróðir minn, Egill, með áróður fyrir því að ég fari í MR. Áróðurinn fór þannig fram að hann gekk um skólann með mig í eftirdragi og sagði fólki að ég hefði ákveðið að fara í Kvennó. Svo leyfði hann fólkinu að smána mig að vild og ég fékk að heyra dæmisögur af fólki sem valdi Kvennó og leiddist í glötun.
Það minnir mig á það að ég kann að segja glatað á þýsku.
Í tilefni af því er lag dagsins á þýsku:
Falco- Rock me Amadeus
Ég vil vekja athygli á því að ég held mig enn við Kvennó, þrátt fyrir niðurlægingu mína innan veggja MR.
Ég er mjög reið >:-| Ég var búin að skrifa ótrúlega langa og sniðuga færslu eða póst eða hvað sem það kallast og en svo þegar ég ýtti á post and publish takkann þá hvarf það. Þetta olli mér miklu hugarangri og ég er bara rétt búin að jafna mig en ég ákvað að skrifa smá klausu svona rétt fyir háttinn svo fólk haldi ekki að ég sé hætt að blogga og hætti að heimsækja bloggið mitt.
Ég ætla að greina frá því í meginatriðum hvað kom fram í þessu glataða pósti.
Ég byrjaði á nokkrum niðurdrepandi orðum um að það shoutaði aldrei neinn out nema mínir ávallt tryggu vinir, Hildur, Lena og Sigga. Og nú hefur Soffa bæst í þennan prýðishóp. Þennan skort á shout outum túlkaði ég svo sem skilaboð til mín um að bloggið mitt væri leiðinlegt og að ef sú túlkun væri röng ætti fólk endilega að shouta out en ef hún reyndist rétt væri ekkert við því að gera og ég héldi áfram að blogga leiðinlegt blogg í einmanaleika mínum.
Svo komu nokkur orð um minn skemmtilega viðburðasnauða dag sem ég nenni ekki að endurtaka, því hann var sem áður sagði, viðburðasnauður.
En dagar mínir munu brátt hætta að vera svo viðburðasnauðir sem raun ber vitni því eftir samræmdu prófin hefst líf mitt á ný. Þá munu æfingar með hljómsveit minni På torsdag, sem er bæ ðe wei alvöru hljómsveit, hefjast á fullu. Við spilum allskonar. Enginn hljómsveitameðlimanna kann á hljóðfæri en það er alltílagi því að enginn af Botnleðjugaurunum kunni heldur á hljóðfæri þegar þeir byrjuðu að spila. Við höfum nákvæmlega eitt ár til stefnu, en þá hefjast músíktilraunir og ég ætla að taka þátt í þeim með hljómsveit eða án. Samt helst með....................
Jæja, ég man ekki eftir fleiru sem kom fram í mínum glataða pósti eða hvað sem þetta kallast (vill einhver segja mér það?) en ef ég man eftir einhverju þá skrifa ég það bara á morgun. Jú, sá einhver Dáðadrengi í AT áðan? Þeir eru svo mikil snilld! Mig langar svo ógeðslega mikið á kveðjutónleika Mínus á morgun, Sign og Dáðadrengir verða líka að spila, jeij! En veit eihver hvað kostar og hvort það er aldurstakmark? Vill ekki einhver shouta out svo ekki væri nema til að segja mér það.....................
Það er til svo ógeðslega mikið af rugluðu fólki í heiminum.....................
Mig langar að prófa að hafa lag dagsins.
Lag dagsins er Mein Herz Brennt með Rammstein
Það var í hinni óendanlega hræðilegu mynd Lilja 4-ever. Sú mynd er einmitt gott dæmi um hvað er til mikið af rugluðu og viðurstyggilegu fólki í heiminum.
Mjög góð mynd, en samt hræðileg. Skiljiði?
Mikið djöfull langar mig að fara til Danmerkur í sumar. Eða bara til einhvers lands. Það virðast allir vera að fara til útlanda í sumar. Allir nema ég. Ég fer ALDREI til útlanda. Hvað er málið? Ég á góðri leið með að fá mömmu mína með mér til Danmerkur í sumar. Þá þyrfti ég reyndar að borga farið mitt sjálf og örugglega hennar líka. Er það nokkuð voðalega dýrt? Vonandi ekki:/
Fjölskyldan mín er að pæla í að flytja til Kanada eftir svona tvö til þrjú ár..................mikið djöfull væri það æðisgengið. Þá myndi ég klára menntaskólann og rjúka síðan beint til Kanada. Nú hugsa örugglega margir: "Kanada, ömurlegur sveitalubbastaður."(eða eitthvað). En svo er nefnilega ekki. Hafið þið komið þangað? Ég bjó þar einusinni og það var mjög fínt. Þá var ég reyndar 5-6 ára. Það má til gamans geta að í Edmonton er stærsta verslunarmiðstöð í heimi, Edmoton Mall held ég að hún heiti. Þetta vissu ekki margir.
Talandi um flutninga myndi ég glöð flytja til hvaða lands sem er um þessar mundir, nema náttúrulega Bandaríkjanna. Mig langar ekki að búa á Íslandi. Ég skammast mín fyrir að vera íslendingur. Allt Davíð og Halldóri að þakka. Og fleiri hálfvitum. Má skrifa svona á netinu? Ég man að ég las á blogginu hennar Arngunnar að svona lagað væri bannað. Það er asnalegt og ég ætla samt að skrifa svona því ég er svo mikill uppreisnarseggur...................muhahahahahahahaha
Lásuð þið um íslenska manninn sem afsalaði sér bandaríska ríkisborgararéttinum sínum því hann var svo óánægður með Bush og stríðið? Það var mjög kúl.
Nú verð ég að fara að horfa á nágranna.............eða nei ég er ekki að fara að horfa á nágranna...........................ég er enginn lúði!!!
Þar sem ég kann ekki að gera linka svona til hliðar þá geri ég það bara svona:
http://nailthesnail.blogspot.com/ (egill)
http://diskur.blogspot.com (sigríður)
http://heyrustum.blogspot.com (arngunnur)
http://jollygreat.blogspot.com (lena)
http://melhagi.address.is/ (guðrún rós)
http://angist.blogspot.com/ (halla)
http://breidholtsskoli.ismennt.is/fjolmenning/ (vefur sem móðir mín bjó til)
Ég dey ekki ráðalaus, neineineineineinei...............
Þar sem ég sagðist ætla að blogga á hvejum degi ef að ég ætti blogg og þar sem ég á nú blogg og er ekkert búin að blogga í dag þá ætla ég að rita hér nokkrar línur, jafnvel þó að ég hafi ekkert áhugavert að segja.
Í dag fór ég með mömmu inni og systur í Ikea til að skoða allskonar drasl fyrir nýja herbergið mitt. Það er reyndar allt í rústi og ekki beinlínis hægt að kalla það herbergi ennþá. Undanfarna daga hef ég verið að dunda mér við að brjóta niður veggi og rífa niður klæðningu og flísar. Það getur verið mjög skemmtilegt, sérstaklega ef maður er í vondu skapi. Einnig fæ ég góða þjálfun í því hvernig er best að nota kúbein og það hlýtur að koma að góðum notum einhverntímann.
Í gær fóru stelpurnar til Ágústu í eitthvað stelpuboð. Ég ákvað að vera heima til að jafna mig eftir veikindin og dundaði mér við að læra og horfa á sjónvarpið.
Man einhver eftir Trigger Happy TV þáttunum sem voru í sjónvarpinu hér forðum? Bróðir minn leigði spólu með þeim í gær vá hvað þetta er fyndið. Bræður mínir voru alveg að tapa sér úr hlátri, sérstaklega Bjarki. Þetta eru bara ógeðslega fyndnir þættir. Ég mæli eindregið með þeim. Þetta er svona hidden kamera dæmi.
Í gær var ég á Fréttablaðinu í þrjár klst. að gera skoðanakönnun. Ég get ekki sagt að það hefi verið gaman. Ég vona að þið sem þetta lesið séuð kurteis við fólk sem hringir og er að gera skoðanakannanir. Það er aldrei að vita,einhvern tímann gætuð þið lent í því að vera sú manneskja sem hringir. Þá munuð þið hugsa: "ohhh, ég vildi að ég hefði alltaf verið kurteis við skoðanakönnunarfólkið."
Gunnhildur litla systir mín er veik eis og flestir á landinu um þessar mundir. Hún er með barkabólgu og mjög háan hita. Ég vorkenni henni hræðilega. Ég fékk einu sinni barkabólgu. Það var við upphaf áttundu bekkjar og ég gat ekki talað í mánuð. Einhverjir muna eflaust eftir því.
Já.......endilega skrifið í gestabókina svo það líti út eins og ég eigi vini.
