...þá ætla ég bara líka að gera lista yfir hvað verður gert í sumar:
-unnið í Grasagarðinum og Melabúðinni -vakið frameftir -farið í sund -hjólað og línuskautað mikið -verið úti í garði og haldin garðpörtý -farið í sumarbústað með stelpunum (og ekki bara tala um það!) -farið í sveitina -farið til Spánar með henni Guggu!
.......og margt, margt, margt, margt, margt, margt fleira! Endilega látið mig vita ef ég er að gleyma einhverju.
Fjögur próf búin og bara tvö eftir! Hvílík gleði. Sumarið er bara rétt handan við hornið. Það er reyndar ekki að sjá á veðráttunni síðustu daga en ég veit samt að það er þarna....
Ég trúi því eiginlega ekki. Það er svo margt búið að gerast síðustu mánuðina að ég skil ekki hvernig það komst allt fyrir. Til að ég gleymi því ekki þá ætla ég að setja saman smá lista:
-kláraði annan bekk í menntaskóla og þar með skólagöngu mína í Kvennó* -fór til Svíþjóðar ásamt bekknum mínum -tók á móti fullt af Svíum ásamt bekknum mínum -vann í Skólaskjólinu og skemmti mér með honum Óla -fékk mér vinnu í Melabúðinni -fór á litafræðinámskeið í Myndlistarskóla Reykjavíkur -hélt upp á útskrift bróður míns í desember og fór daginn eftir í sveitina í sjötugsafmælið hennar ömmu -hélt jólin en þó í skugga ritnefndarstarfa og annarra áhyggja -gaf út heilt skólablað ásamt sex öðrum litlum og kjánalegum en samt yndislegum stelpuskottum í öðrum bekk -fór í mörg afmæli og pörtí -fór í villuna hennar Lenu uppí sveit ásamt fríðu föruneyti -skemmti mér mjööööög vel með vinum og vandamönnum
Já ok, þetta er kannski ekkert rosalega mikið en þetta er heldur ekkert allt. Ég tek heldur ekki með það sem gerðist um sumarið.
*=jebb, eftir langavarandi vangaveltur í allan vetur komst ég að því að best væri að skipta um skóla. Það er nefnilega þannig að það er best að gera allatf það sem mann langar mest til að gera þegar maður hefur tækifæri til þess á annað borð. Ég hugsa að þessi ákvörðun stafi líka af eirðarleysis- og leiðindasyndrominu sem ég á við að stríða. Ég vil biðja alla um að leggjast á bæn með mér að strætókerfið breytist ekki þannig að ég sé lengur en hálftíma að komast lengst upp í Grafarvog. Annars leggst ég í þunglyndi. Þetta passar einmitt svo fínt núna!
Þetta er alveg óþolandi. Ég tek mér lærdómspásur og ætla í góðri trú að bregða mér inn á msn til að spjalla við einhvern skemmtilegan en nei, nei, það er bara aldrei neinn inná. Ég fæ á tilfinninguna að það séu allir svona yfirnáttúrulega duglegir að læra nema ég. Það er í lagi að taka sér pásur sko!
....klippt í fyrsta skipti í nákvæmlega ár. Kannski ágætis dæmi um það hversu brjálæðislega mikið er búið að vera að gera þetta árið..... ,,Afhverju ertu svona skrýtin?" eru fyrstu tvær athugasemdirnar sem ég hef fengið og komu þær báðar frá karlpeningi fjölskyldunnar. Gaman að því.
Fyrsta kóngulóin sumarsins sem tekur sér bólfestu fyrir utan gluggann minn er búin að koma sér fyrir. Hún er nokkuð stór. Ég ætla að skýra hana Dórótheu.
Í augnablikinu er ég að gæða mér á nýja KEA smoothie skyrdrykknum með jarðaberja og sítrónubragði og ég verð að segja að mér finnst skyr.is drykkurinn frá MS miklu betri....sem er undarlegt þar sem mér finnst sjáft skyr.isið ógeðslega vont og KEA skyr bara mjög gott. KEA fær líka stóran mínus fyrir umbúðirnar, á þeim er kraftakona í ljótum nærfötum og á hana er letrað: fegurð, hreysti, hollusta.
Hvað finnst ykkur um þetta málefni? Endilega reifið skoðanir ykkar í kommentakerfinu sem er komið í gagnið á ný =)
Ég eignaðist nýtt hjól í gær. Reyndar er það ekki nýtt heldur notað en það eina sem er til marks um það er örþunn göturyksskán á yfirborði dekkjanna. Hún gæti reyndar allt eins hafa komið á leið þess frá húsi fyrrverandi eiganda og að bílnum mínum. Og þetta fékk ég á þvílíkum kostakjörum svo að í sumar mun ég komast klakklaust í vinnuna í hvaða veðri sem er (það er nefnilega varasamt að línuskauta í rigningu, ég hef líka heyrt að það skemmi skautana) svo nú er ég hamingjusöm, þó að mér hafi gengið bölvanlega í stúdentsprófi í ensku.
Jæja, jarðfræðin kallar! (og líka subwaykakan mín sem bíður niðri í eldhúsi)