Nú eru liðinn u.þ.b. einn og hálfur mánuður síðan ég fór á tónleika síðast. Það er engan veginn ásættanlegt. Því hef ég ákveðið að fara bráðum á tónleika. Það er margt í boði: José González á Nasa 13. mars (sá hann reyndar á Airwaves), Ampop, Dikta og Hermigervill á Nasa 17. mars, CocoRosie einnig á Nasa 17. maí ofl. ofl. ofl....verst hvað þetta er allt saman ógeðslega dýrt og verst að það nennir aldrei neinn með mér...
En svo náttúrulega styttist óðum í Hróarskeldu og svo eru comeback tónleikarnir á næsta leiti eða kannski þar næsta :D
Ég labbaði 1 og 1/2 hring í kringum Elliðaárdalinn í morgun. Þegar ég kom heim sá ég fram á góðan dag, engar skyldur framundan þangað til á morgun kl. 11 (eða allavega engar aðkallandi). Svo ég ákvað að leggjast undir sæng og horfa á nokkra OC þætti sem ég hef misst af síðustu vikur og bíða eftir að systkini mín kæmu heim með öskudagsnammi handa mér (Gunnhildur kom svo skömmu seinna, hún stóð sig mjög vel í nammis-hömstrun). Ekki fór þó betur en svo að ég sofnaði yfir annars misljúfri atburðarrásinni í Orange County. Svo vaknaði ég eftir tvo klukkutíma og núna finnst mér eins og allt sem gerðist í morgun hafi gerst í gær og allt sem gerðist í gær hafi gerst í fyrradag. Ég er ekki alveg að höndla það að sofna á daginn....ég er nefnilega nýgræðingur í þessu. Þetta fór ekki að gerast fyrr en eftir að ég byrjaði að vakna kl. 6:20 á hverjum degi til að taka strætó út á hjara borgarinnar. Svo bætir ekki úr skák að mig dreymdi að alls konar fólk væri að biðja mig um að gera alls konar hluti fyrir sig, passa börnin sín, setja í þvottavél fyrir sig, vinna fyrir sig.....og allt í einu var fríið mitt uppbókað sem átti að fara í leti og að vinna upp lærdóm. Eftir að ég vaknaði hefur því tilfinningin um að ég eigi að vera að gera eitthvað annað sífellt verið að ásækja mig >:|
Og hvaða lærdóm er hægt að draga af þessu? Jú, best er að takmarka svefn við nóttina!
Ég gaf mörg fögur loforð í gærkvöldi. Eitt af þeim var að setja einhverjar af þeim fjölmörgu myndum sem ég hef verið iðin við að taka síðustu mánuði inn á netið ykkur til ánægju. Þetta loforð mun ég allavega ekki svíkja, veit ekki með hin... Ég er semsagt byrjuð að hlaða myndum inn á yahoo en eins og margur veit þá tekur það endalausan tíma svo þið megið gera ráð fyrir því að geta skoðað þær á einhverntímann á morgun =D
Á meðan tölvan athafnar sig ætla ég að halda áfram að læra undir heimspekipróf og reyna að ákveða hvort guð sé til eður ei. Svo þarf ég að skrifa pistil um frægar halastjörnur fyrir úber svala plaggatið sem ég er að gera í stjörnufræði. Ég verð eiginlega að klára það svo hópfélagi minn haldi ekki að mér sé ekki alvara með að gera flottasta plaggat í sögu Borgarholtsskóla. Það verður sko með glimmeri á.
Nú standa málin reyndar þannig að klukkan er korter yfir ellefu og ég fékk svona u.þ.b. þriggja tíma svefn í morgunsárið. Langur mánudagur á morgun...svo stuttur þriðjudagur og svo skóhlífadagar sem eru svona þemadagar og svooo....vetrarfrí nr. 2, lööööng helgi sem verður tekin í fullkomið afslappelsi =D
Mig langar svo að hafa lag dagsins. Það er lagið The Legionnaire's Lament með The Decemberists :)
Bráðum kemur betri tíð með blóm í haga, jújú, sumarið nálgast óðfluga. Hafið það gott.
P.s. dyraverðir eru fólk sem hefur átt undir högg að sækja í lífinu, hefur jafnvel aldrei átt vini og lifað mjög innihaldslausu lífi, og hefur ákveðið að gerast dyraverðir til að finnast það vera mikilvægar manneskjur því það hefur einhver afbrigðileg völd yfir fólki og vílar ekki fyrir sér að henda litlum stelpum niður brattan stiga.