Ég skil ekki þegar fólk ætlar að taka sér hlé frá bloggheimnum af því að prófin eru að byrja. Ekki það að mér finnist það eitthvað slæmt en ætlar fólk bara að læra allan daginn og svo mikið að það hafi ekki einusinni tíma til að kíkja í tölvuna stöku sinnum? Það tekur ekki nema svona 3 mínútur að blogga eina stutta færslu.
Ég á afmæli eftir aðeins 8 daga. Hversu frábært er það? Reyndar mun afmælisdagurinn að öllum líkindum falla örlítið í skuggan af vorprófunum. En það er nú bara kjörið tilefni fyrir fólk til að vera extra skemmtilegt við mig gefa mér extra flottar afmælisgjafir :D (nei nei, það er auvitað hugurinn sem gildir.....) Svo er afmælisdagurinn á laugardegi svo þeir sem vilja kíkja í heimsókn eru hjartanlega velkomnir. Svo væri auðvitað ekki úr vegi fyrir fólk sem það vill, að fara með mér í ísbúðINA og snæða með mér einn góðan þeyting.
Ég veit ekki hvort ég var búin að minnast á það hér en í október næsta haust er fyrirhuguð hjá bekknum mínum ferð til Svíþjóðar :D Við erum að fara í samstarf við einhvern sænskan bekk og munum heimsækja þau og þau munu heimsækja okkur. Okkar bekkur var valinn því að við erum svo þæg og góð. Ath! ekki af því við erum einhverjir lúðar heldur erum við bara mjög háttvís og prúð í fasi. Ég hlakka allavega nokkuð mikið til. Hér er síða sem við erum búin að gera fyrir þetta pakk þarna úti. Ekkert ofur töff eitthvað, bara svona smá kynning á bekknum.
Það er alveg stórmerkilegt, finnst mér, hvernig þetta litla samfélag okkar hér á Íslandi hefur þróast. Að maður eigi von á því að verða fyrir árásum jafnvel beint fyrir utan húsið manns af fullt af siðblindum náungum sem hafa ekkert annað betra við tímann sinn að gera. Eins og kannski sumir kannast við kom einmitt þetta fyrir 19 ára bróður minn síðastliðna helgi. Það var bara einskær tilviljun og heppni að þetta var beint fyrir utan húsið okkar og að ekki fór verr. Honum hefði hæglega getað verið stútað á staðnum. Og svo er ekkert hægt að gera. Ekki bara í þessu tilfelli, það er margt mun alvarlegra sem er að gerast þarna úti. Það eru bara einhverjir stórhættulegir glæponar sem ráða öllu í undirheimum Reykjavíkur sem geta gert nánast hvað sem þeir vilja því enginn þorir að sporna við þeim. Ekki einu sinni lögreglan. Og jafnvel þó hún geri eitthvað í því og þessum mönnum er stungið í steininn þá koma þeir bara aftur eftir smá tíma og halda áfram þar sem frá var horfið. Því þetta er bara ekkert annað en siðblint og örugglega eitthvað geðbilað fólk, bara eins og samfélagið okkar hefur mótað það.
Mér finnst þetta svona frekar óhugnanlegt. Hef ekki beinlínis pælt mikið í þessu áður.
Þessi helgi er búin að vera mjög skrýtin. Henni er reyndar ekki lokið enn, sunnudagurinn náttúrulega eftir en það mun ekki vera mikið um dýrðir þann daginn því ég verð allan daginn í seinni hluta ökuskóla 1. Eins og ég var í allan dag. Mér fannst það samt ekkert svo ofboðslega leiðinlegt, allavega ekki eins leiðinlegt og ég hafði búist við af lýsingum mjög margra að dæma. Kannski vegna þess að ég var að búast við einhverju rosalegu.