Ég nefnilega ákvað að vera heima í kvöld. Eða satt að segja var bara ekkert í gangi. Þannig að ég fór í nostalgíu minni að skoða gamlar myndir á síðunni henna Guggu.....Gugga ég veit að ég hef sagt þetta oft en ég ætla samt að segja aftur að myndasíðan þín er sú besta í ÖLLUM heiminum! Hér er t.d. skondnasta mynd sem ég veit um (fyrirgefðu Signý en ég fer bara ALLTAF í hláturskast þegar ég sé þessa mynd, svona svipað og með Sauðlauksdal, hahahahahahaha!). Hún er úr afmælinu mínu í hittifyrrasumar(2004) sem var bara það skemmtilegasta í heimi. Svo fór ég í kjölfarið að lesa gömul blogg og áttaði mig á því að næsta vor verður bloggsíðan mín ÞRIGGJA ára. Ég verð að segja að mér finnst svolítið gróft hvað tíminn líður hratt. Og hvað ég er orðin gömul og allir í kringum mig...en það er bara gaman. T.d. get ég farið á Hróarskeldu næsta sumar. Það gat ég ekki fyrir þremur árum. Og ýmislegt fleira :D
Bless í bili!
P.s. Ég var líka að skoða hressar myndir frá einu stelpupartýi eitt gott kvöld í janúar að mig minnir....ég væri til í annað svoleiðis í nánustu framtíð! Fleiri?
Já, Airwaves hátíðin er búin. Það þykir mér leitt. Til þess að reyna að sætta mig við það ætla ég að telja hér upp örfá atriði sem mér fannst ekki skemmtilegt síðustu fjögur kvöld en hafa skal í huga að það vegur engan veginn upp á móti öllu sem var skemmtilegt.
1. Hin viðurstyggilega reykingafýla sem hefur leikið um mig og öll mín föt síðustu daga er nú á hröðu undanhaldi. 2. Það er lagt þangað til ég þarf að bíða í tveggja klukkutíma röð næst. 3. Í næstu viku mun ég fá einhvern svefn.
Og þá er það upptalið.
Í gær var ég bara á Nasa eins og ég sagðist mundi gera og það var ein sú sniðugasta ákvörðun sem ég hef tekið.
Bang Gang voru geðveik, Ratatat var náttúrulega bara snilld og Gus Gus frekar kúl. Svo var hitt alveg ágætt...það sem ég man þ.e.a.s.