Ég ætla að gera eitt almennilegt blogg svo þið haldið ekki að ég hafi fengið höfuðhögg. Ég hef nú reyndar fengið nokkur, t.d. í gær þegar ég hló svo mikið að ég lamdi hausnum borðplötu. Mig langaði aðallega að segja ykkur frá gærdeginum en hann verður örugglega einn af bestu dögum sumarsins. Þess vegna ætla ég að festa hann á blað.
Ég byrjaði á því að sofa út eftir að hafa sofnað kl. 10 kvöldið áður. Síðan fór ég ásamt Krumma, Loru, Agli og Hrafni að þvo föt í myntvaskinu. Þaðan fórum við í Amager Centret sem er moll hérna rétt hjá. Það var nú ekki verslað mikið annað en matur þar sem ég var svöng. Ég og Lora keyptum okkur vínber, jarðaber, brauðbollur, croissant, súkkulaðiköku og sultu, fundum okkur stiga til að sitja í og átum. Eða borðuðum. Það var gott. Svo fórum við aftur heim og náðum í teppi, hátalara og fleira og röltum niður að einu vatni eða síki sem er rétt hjá Kristjaníu. Þar fórum að vörka tanið á fullu á meðan við lituðum í Finding Nemo litabókina mína með bráðnuðum vaxlitum, leystum sudoku og hlustuðum á góða tónlist. Sumir voru reyndar undir tré því það var alveg sjóðandi heitt. Það eru alveg risastór tré hér í Danmörku. Nú jæja, þegar við vorum við það að verða fullsteikt fórum ég, Hrafn og Lora í Fakta og keyptum í matinn til að búa til tortillur. Þegar við komum heim voru Egill og Krummi búnir að taka voða fínt til svo við gátum byrjað að elda eða þ.e.a.s. Hrafn. Þegar maturinn var til fórum við með hann niður á þaksvalirnar hérna þar sem eru borð og fínerí. Og þetta var ógeðslega góður matur! Svo var kex í eftirmat. Brosandi kex. Með súkkulaði.
Jájá...svo fórum við inn aftur. Þar var súr stemmning í smástund þar til við settum á tónlist. Þá var gaman og svo tókum við strætó niður í bæ. Strætóbílstjórinn spurði mig hvað ég væri gömul en maður þarf að vera tólf ára til að borga barnagjald. Með hliðsjón af þessu ætla ég að reyna að komast inn í dýragarðinn á barnagjaldi í dag en til þess þarf maður að vera ellefu. Þá spara ég heilar 40 krónur danskar. En já, það var gaman niðri í bæ. Ætluðum að vera svolítið óíslensk og koma snemma heim en við enduðum á einhverjum karókíbar til 4 og á barnum niðri í fúsball til svona 5, svo upp í herbergi að tjilla til eitthvað.
Núna eru allir voðalega hressir. Ég vaknaði klukkan hálf tíu, fékk mér jógúrt og vaskaði upp.
Það eru komin ský, það er samt allt of heitt...
Og eitt enn....þar sem ég missti af óviðráðanlegum ástæðum af uppáhaldslaginu mínu á Sigur Rósar tónleikunum á Hróarskeldu ætlast ég til að einhver fari með mér á Klambratún einhverntímann um daginn þann 30. júlí n.k. og bíði eftir Sigur Rósar tónleikunum með mér svo ég getio verið framarlega. Takk.
Sjibbýýý....loksins nenni ég að blogga. Krummi. Egill er vondur maður. Krummi. Ég var að koma heim frá kínverskum veitingastað. Lora. Það var ágætt fyrir utan að ég fékk vitlausan mat og kínverska þjónakonan skammaði mig. Krummi. Við gistum 6 saman í einstaklingsíbúð í Örersundskollegíinu úti á Amager, rétt hjá þar sem ég bjó einu sinni. Krummi. Það er þröngt en kósý, sjónvarp og internet. Krummi. Jeij. Lora. Svo nú er ég á netinu að horfa á leikinn með öðru auganu á meðan allir hinir horfa á leikinn með báðum. Lora. Við erum bara búin að vera að tjilla þessa 3 fyrstu daga í Köben, það er kannski ekkert undarlegt við það, hmmm... Krummi. Sem minnir mig á það að ég var á Hróarskeldu og það var ógeðslega gaman. Lora. Sem minnir mig á það að það var tekið viðtal við mig og Egil á sunnudaginn sem var í Ísland í dag í gær. Krummi. Þar vorum við m.a. að tala um soðið piss. Lora.
Já. Hróarskelda. Hún var skemmtileg. 8 dagar í tjaldi. Krummi er myndarlegur maður, hann lítur ekki lengur út eins og Mr. T.
