Ég nenni ekki að vera lengur í menntaskóla. Oj. >:
Mig langar bara til að gera eitthvað skemmtilegt allan daginn, alltaf. Er ég að ætlast til of mikils af lífinu? Já, myndu sumir segja, það er ekki hægt að hafa gaman alltaf. Ég er samt ósammála sko. Ef maður er yfirhöfuð að gera það sem manni finnst skemmtilegt og eitthvað sem hefur tilgang þá er maður hamingjusamur og þá skiptir ekki máli þó maður þurfi að gera eitthvað leiðinlegt inni á milli eins og t.d. þrífa hundaskít. Þá hugsar maður bara, vá hvað ég hlakka til á eftir að fara að gera þetta skemmtilega, og þá hlýtur maður sjálfkrafa alltaf að vera glaður og það er alltaf skemmtilegt hjá manni. Stundum er jafnvel skemmtilegt að takast á við vandamál ef þau t.d. snúast um að takast eitthvað mikilvægt sem kannski gerir mann að betri manneskju eða gerir eitthvað gott fyrir aðra manneskju sem manni þykir vænt um eða bara aðra manneskju sem maður þekkir ekki neitt en þarf á hjálp að halda. Ég er sem sagt ekki að tala um vandamál eins og það sem ég tekst á við oft á dag og það er: Hvernig á ég svo að halda mér vakandi í þessari kennslustund?
Sem sagt, ef maður er að gera eitthvað skemmtilegt þá er alltaf gaman. Einföld sýn á lífið en ég er líka einföld sál...
Maður verður samt að bjarga sér sjálfur og taka sínar eigin ákvarðanir en ekki að gera allt í þágu einhverra annarra sem ætlast til einhvers sem gerir svo að lokum ekkert fyrir mann sjálfan og gerir það að verkum að lífið verður leiðinlegt. Svo ég vitni í rónann sem datt á mig í strætó um daginn: ,,maður verður bara að komast í gegnum þetta og treysta á sjálfan sig".
Skemmtileg tilviljun, ég er að hlusta á Nothing Compares to You með Sinead O'Connor og þar kemur þessi texti fyrir: "Girl, you better try to have fun no matter what you do" Þó að ég sé ekki í ástarsorg þá ætla ég að hafa mér þessi orð að leiðarljósi.
Jæja gott fólk...næstu tvo klukkutímana og tuttugu mínútum betur mun ég vera föst í skólanum án þess að þurfa að mæta í tíma. Ég er semsagtí gati. Af þeim sökum þurfti ég að finna mér eitthvað til dundurs (bara svona áður en ég fer að klára hugtakalista í félagsfræði og fræðast um hinar ýmsu kenningar í þroskasálfræði) og ákvað ég að setja saman tónlista. Það hef ég aldrei gert áður. Mér finnst mjög gaman að skyggnast inn í tónlistarsmekk annarra, t.d. í gegnum lista af einhverju tagi, og datt í hug að aðrir gætu haft gaman af að lesa þess háttar hjá mér. Þessi listi samanstendur af tíu lögum sem mér þykja afar falleg og hef á einhverju tímabili spilað aftur og aftur og aftur. Seinna mun ef til vill koma listi yfir lög sem mér finnst mjög skemmtileg, og að lokum, ef tækifæri gefst, listi yfir lög sem eru mjög hress. Þar hafið þið það. Lög hjá mér skiptast sem sagt í falleg lög, skemmtileg og hress lög. Það verður samt aldrei loku fyrir það skotið að eitt og sama lagið geti kannski fallið undir tvo flokka og janfvel alla þrjá flokkana. Þetta er semsagt mjög grófleg flokkun.
Hér kemur semsagt fallegi listinn, hann er tileinkaður Filippusi. Lögin eru ekki í neinni sérstakri röð, allavega ekki ásettu ráði en maður veit aldrei með undirmeðvitundina...
1. Augie March - There's No Such Place 2. Cat Power - Good Woman 3. Pachelbel - Canon et gigue 4. Elliott Smith - Between the Bars 5. Antony and the Johnsons - I Fell in Love with a Dead Boy 6. R.E.M. - At My Most Beautiful 7. Sigur Rós - Starálfur 8. Radiohead - Street Spirit 9. Ampop - Clown 10. Iron & Wine - Jezebel
Þar hafið þið það. Kannski bætist eitthvað við síðar. Nú eru bara tæpir tveir tímar eftir af hléinu mínu og ég er farin að læra :D