Vá, hvað það var gaman í gær...ég ætti oftar að halda óformlegar samkomur sem enda á MR tebói eða einhverju álíka með tilheyrandi danssporum. Teknar voru um 300 myndir, hehe (samt fór myndavélin ekki með í Brokey) og munu þær örugglega líta dagsins ljós á veraldarvefnum með tímanum (samt kannski ekki alveg allar...það tæki örugglega viku).
Annars er ég með gleðifréttir. Miklar, miklar gleðifréttir ef að líkum lætur. Fyrirhugaðir eru tónleikar meeeeeeð...Trabant, og eins og það sé ekki nóg eitt og sér, en Hjálmar sem og Mugison munu líka stíga á svið þetta sama kvöld, á Nasa! Herlegheitin munu eiga sér stað þann 15. desember næstkomandi....þá eru held ég flestir búnir í prófum en reyndar eru fullt af jólaböllum á þessum tíma svo það er spurning, hvað ætlar fólk að gera til að fagna próflokum og jólafríi?
Hugsið málið vandlega...ég er farin að kaupa laugardagsnammi og lesa sjálfsævisögu Nelsons Mandela.
Eins og glöggir lesendur hafa eflaust veitt athygli þá er ég búin að breyta útliti þessarar síðu lítið eitt (eyddi auðvitað tíma í það sem ég hefði átt að vera að eyða í eitthvað allt, allt annað). Svo uppfærði ég linkalistann og setti loksins inn link á mína fyrstu myndasíðu sem ber heitið rostungur66, undir marglitaða linknum myndirnar mínar. Þangað eru komin heil fimm albúm.
Ég er búin að skrifa 6 bls. félagsfræðiritgerð um fjölveri :D Nú er bara eftir að gera efnisyfirlit, tilvitnanaskrá, heimildaskrá og forsíðu til að ná upp í 8 blaðsíður. Svo þarf ég bara að lesa einhvern helling af greinum fyrir munnlegt enskupróf og redda einhverju glötuðu íslenskuhópverkefni sem gildir heilan helling. Hópmeðlimir mínir og ég ætluðum að vera í e-mail sambandi yfir helgina til að klára það og ég sendi minn hluta á föstudag og nú er komið sunnudagskvöld og ég hef bara ekkert heyrt í þeim...Jæja, ætli ég reddi þessu ekki bara í gatinu mínu á morgun svo maður fái nú einhvern svefn.
Annars er ég bara reddý fyrir enn eina stútfulla viku af lærdómi af því að ég er með skemmtileg plön í bígerð fyrir næstu helgi. Það verður síðasta gleðin í mínu lífi áður en verkefnaskil og próf munu endanlega taka yfir geðheilsu mína.
Gærkvöldið mitt var mjög skemmtilegt, takk fyrir mig! :)
Heyriði, til gamans, þá ætla ég gera smá könnun og biðja alla sem ramba hér inná og lesa þetta að kasta kveðju í kommentakerfið, jafnvel þó að þið þekkið mig ekki neitt og ég ekki ykkur. Ok?