Það er nú aldeilis gaman að vera orðin sextán ára. Ég er búin að útbúa lista yfir það sem er hægt að gera þegar maður er sextán en ekki t.d. þegar maður er fimmtán:
- farið á myndir bannaðar innan sextán í bíó
- leigt myndir á myndbandaleigum sem eru bannaðar innan sextán
Já...........fleira datt mér ekki í hug í fljótu bragði en þið megið endilega benda mér á eitthvað annað sniðugt sem ég get gert nú þegar ég hef náð þessum merka aldri.
Ég var að lesa fréttablaðið í morgun og þá kom ég auga á frétt þar sem sagði að Stöð tvö ynni nú markvisst að því að koma á laggirnar og sýna íslenska útgáfu af sjónvarpsþættinum American Idol. Það verður gaman að sjá. Ég hef grun um að þetta verði eitt það hallærislegasta sem hef hefur komið fyrir íslenskt sjónvarp í lengri tíma. Sérstaklega þar sem hugmyndir eru uppi um það að Björgvin nokkur Halldórsson muni gegna hlutverki Simons Cowells í þættinum. Já.......ótrúlegt en satt.
Ég hef haft það á tilfinningunni í langan tíma að Ísland sé að verða eins konar mini-útgáfa af Bandaríkjunum. Og það mun ekki breytast á meðan Davíð Oddson og Halldór Ásgrímsson halda áfram að sleikja rassgatið á Georg Bush og tilbiðja allt sem karlhelvítið segir og gerir. Afsakið orðbragðið.
Ég hata Bush. Og ég hata Kana. Ég þakka guði fyrir að vera ekki Ameríkani. Það skömminni skárra að vera Íslendingur, þó að það muni kannski ekki miklu.
Þetta var ég að lesa í myndböndum mánaðarins:
"Hjónin Tim Robbins og Susan Sarandon hafa ekki aflað sér mikilla vinsælda í Hollywood að undan förnu vegna harðra mótmæla þeirra gegn stríðinu í Írak og um leið bandarísku ríkisstjórninni fyrir íhlutun sína .......Það er umtalað að þeir sem tilheyra þotuliðinu í Hollywood og gagnrýndu stríðsreksturinn opinberlega hafi hríðfallið í vinsældum almennings sem er hvattur til að sniðganga næstu myndir þeirra í mótmælaskyni."
Þvílík heimska. Ég á ekki til nógu sterk orð í heilabúi mínu yfir hversu fáránlegt þetta er. Ég vil hér með votta virðingu mína þeim Ameríkönum sem þora að segja það sem þeim finnst, um leið og ég vorkenni þeim fyrir að búa í þessu ömurlega landi.
Horfðuð þið á American Idol um daginn þegar allir fóru að syngja saman I´m proud to be an American eða eitthvað álíka í lokin vegna atburðanna í Írak. Svo fóru sumir að grenja. Það var skoplegt. HAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHA!!!!!!!!!!
Sjitt ég er næstum ekkert búin að læra undir þetta fokkings djös fokkings helts enskupróf. Ég er bara búin að vera að fokking hlusta á fokking BBC world service í allan dag og komst að því að það er mest megnis endurtekið efni þarna því að ég var að hlusta á sama hlutinn svona 2svar til 3svar sinnum. Ég var m.a. að hlusta á átta ára gamla stelpu segja frá því þegar hermaður nauðgaði henni. Ég náði ekki hvar það var, held einhversstaðar í Afríku. Og það er svo mikið um að hermenn séu að nauðga stelpum þarna það er jafnvel hætt að tilkynna það. Og það myndi hvort sem er ekki breyta neinu því löggan þorir ekki að gera neitt við brjálaða hermenn með byssur. Þetta er nú meiri viðbjóðurinn.
Eruð þið sem eruð að fara að taka samræmt próf í ensku búin að læra eitthvað rosamikið? Ég er nefnilega ekki búin að læra neitt rosalega mikið því ég er komin með alveg gífurlegan viðbjóð á námsbókum og ég veit ekki hvernig mér á eftir að ganga að læra undir stærðfræðina.......sjitt pitt. Svo ég hef ákveðið að fara í enskuprófið og byggja svörin mín á því sem ég hef lært í ensku alla mína ævi en ekki einhverjum stresskastsprófundirbúningi daginn fyrir prófið. Meikar það ekki sens? En þá á ég eftir að vera með svo mikið samviskubit ef ég fæ lélega einkunn. Það verður bara að hafa það.
Á morgun kemur pabbi heim frá Kanada með afmælisgjöf handa mér:) Ég veit ekki hvað það er.........kannski gítar.......eða kannski eitthvað annað sniðugt. Og kannski bráðalungnabólga. Kvöldið sem hann fór var ég nefnilega einmitt að læra um veirur og ég lít á það sem fyrirboða. Ég held samt að hann sé ekki smitaður því hann var víst mjög langt frá Toronto, þar sem veikin er. En ég býst alltaf við því versta........þá verð ég svo glöð þegar ég kemst að því að hann er ekki með bráðalungnabólgu...................vá nú ætla ég að hætta að bulla og reyna að læra smá.
Það eru tveir búnir að hvetja mig til þess að blogga............maður er bara vinsæll..........
Það er nefnilega mál með vexti að nettengingin okkar er búin að vera biluð og því hef ég ekki getað tjáð mig hér í svona viku. En nú, kæru lesendur, fáið þið aftur að njóta minna yndislegu skrifa hér um lífið og hina margslungnu tilveru.....jájájá......
Um leið og nettengingin okkar bilaði var alveg fullt sem ég vildi koma á framfæri og tjá mig um hér á þessu litla bloggi annað en skýrslur um það sem ég geri á daginn en nú er ég búin að gleyma því öllu........alveg er þetta dæmigert. Þetta voru aðallega pælingar um komandi kosningar, heimska stjórnmálamenn og annað slíkt. Það er nefnilega til svo ótrúlega mikið af heimskum stjórnmálamönnum hér á Íslandi sem og annarsstaðar.
Ég er enn ekki búin að jafna mig eftir það áfall sem ég varð fyrir þegar niðurstöður kosninganna í tíunda bekk voru ljósar. Þær voru mér mikið reiðarslag þar sem ég stóð föst í þeirri trú að æska landsins hefði einhvern snefil af skynsemi í sínum kolli og myndi bjarga landi og þjóð þegar fram liðu stundir og mín kynslóð kæmist til valda. Ég veit ekki afhverju ég hélt það.......líklega vegna þess að allir mínir vinir eru skynsemisfólk. En nei.......allt er í heiminum hverfult og Sjálfstæðisflokkurinn fór með sigur af hólmi.........reyndar með mjög litlum mun.
Á laugardaginn fór ég ásamt nokkrum prýðisvinkonum niðrí bæ. Það var mjög gaman því ég græddi alveg helling. Fyrst fórum við í Nexus því það var free comic book day og við fengum þrjú ókeypis myndasögublöð. Eitt heitir Two tubby bitches and friends og það er mjög fyndið.
Eftir stopp í nexus röltum við niður laugaveginn. Þar var Framsókn að gefa pylsur og kók og grænan ís. Svo fórum við á kosningaskrifstofu Vinstri grænna það sem var hljómsveit og bara fjör. Þar fengum við candyflos og það var líka hægt að fá pylsur og grillpinna. Svo fórum við á kosningaskrifstofu Samfylkingarinnar en þar var ekkert stuð svo við ætluðum bara að fara en þá kom maður hlaupandi og sagði okkur að koma í grillveislu kl. sex. En því miður gátum við það ekki vegna lærdóms. Svo löbbuðum við framhjá Sjálfstæðisflokknum. Þeir voru ekki að gefa neitt.
Nú verð ég að fara að læra ensku því það er enskupróf á morgun. Ég ætla að fara að ráði Lenu og skrifa smá á ensku:
Today was the co-ordinated náttúrufræði test. That was pretty difficult because last year it was so easy and now the people who make the tests decided too have it very difficult because they are such fools. They are clearly not capable of making good tests.
Nú verð ég að fara að læra, ég mun skrifa meira um óréttlæti heimsins þegar ég hef tíma.
