Ég hef aldrei verið í jafn mikilli fýlu á ævi minni. Það hjálpar mjög að skrifa niður blótsyrði.
Ég vaknaði í morgun, staulaðist á lappir með hausverk síðan í gær, ekkert til í morgunmat nema vont kornfleks, blaðið ekki komið, náði strætó, sat í honum í hálftíma, labbaði inn í skólann og það fyrsta sem ég sé er að bjáninn hann Aron er veikur svo fyrsti tími fellur niður. Svo er ég í gati í næsta tíma og þarf ekki að mæta aftur fyrr en 11:20! Eftir þann tíma er ég svo aftur í gati og fer svo í einn tíma og er búin kl. 16:10. Pælið í sóun á góðum degi. Svo er ég eiginlega ekki með neinar bækur svo ég get ekki lært neitt að ráði....ekki það að mig langi eitthvað mikið til þess eða myndi eitthvað gera það þó ég væri með bækur. Svo ég sé ekkert annað í stöðunni en að hanga í tölvunni og hlusta á hann Filippus þangað til ég fer í World Class eftir svona klukkutíma.
En ok, lítum á björtu hliðarnar...................................uuuu................það er föstudagur á morgun....og ég náði tölvu......og ég á afmæli eftir minna en tvo mánuði. Og bráðum koma páskar. Bob Dylan verður á Hróarskeldu.....ég ætla að klára að mála á vegginn hans Egils í dag......ég fer í pizzupartý í kvöld....horfi mjög líklega á Aðþrengdar eiginkonur.....bráðum kemur vorið....þá ætla ég í sveitina að liggja úti á túni og naga strá og labba upp á fjall og kíkja hinumegin...nánar tiltekið 28. maí þegar ég er búin að fara í inntökupróf í Myndlistaskólann í Reykjavík. En fyrst held ég upp á afmælið mitt sem verður villt.
Jæja, nú er ég komin í gott skap svo ég ætla að fara að reyna að læra svo ég hafi tíma til að gera allt sem ég ætla að gera í dag :D
Lag augnabliksins er lagið sem ég er að hlusta á akkúrat núna: Mazzy Star - Fade Into You (fallegt lag sem Egill setti inn á spilarann minn í gær)
Lag dagsins: Animal Collective - Grass (skemmtilegt lag sem mun ef til vill hljóma á Hróarskeldu)
Haha! Ég verð aðeins að vitna hérna í blogg Gunnhildar systur minnar (sem reyndar er ekki mjög virkt og þess vegna er ekki linkur, ha Gunnildur ha!?)
"Þegar ég var svona 4 ára eða eitthvað.. Þá bað Bróðir minn min um að gera sér greiða og þá fór ég að leita að bursta eða greiðu...Svo kom ég með bursta til Bjarka og það var þá sem ég fattaði að að gera manni greiða er ekki að Gefa manni Greiðu.... Haha..."
Þessi annars ágæta Gunnhildur er að baka köku sem er gott um leið og það er slæmt því hún bakaði líka í gær og ég át svona helminginn.....svo þið munuð líklega sjá meira af mér næstu daga...hohohohohohoho....
Á morgun er fyrsti venjuegi skóladagurinn síðan á þriðjudaginn. Maður skyldi halda að það væri sorgardagur og að ég væri í þunglyndi núna eeeeen...svo er ekki af því að: a) ég er búin kl. 14:20 í staðinn fyrir 17:40, b) síðustu dagar eru búnir að vera mjög endurnærandi, skemmtilegir og menningarlegir að ég er alveg tilbúin í heila skólaviku.... :0
Ég ætla að setja atburði liðinna daga á punktaform svo ég geti lesið það í gatinu mínu á morgun og munað eftir öllu skemmtilega sem ég gerði. Þið þurfið ekkert að lesa þetta frekar en þið viljið...
*það var sól allan tímann *ég labbaði í Elliðaárdalnum *ég svaf *ég málaði tré og kött á keramikkrús *ég vann pínu *ég kíkti í kökuboð *ég horfði á Aþþró með Steinvöru og Signýju og lærði svo ensku fyrir Signýju og teiknaði ljótar myndir í stílabókina hennar og skrifaði líka skilaboð *ég fór í heimsókn í Kvennó *ég reyndi að æfa mig að teikna mannslíkamann *Elfa Björk kom í laaangþráða heimsókn :D *við náðum í Hrafnhildi og Söru á leikskólann *við fórum í Smáralind *við fórum á ræðukeppni MR og Versló þar sem MR vann :) *við hittum skemmtilegt fólk í ísbúðinni og fórum ásamt því heim til mín í létt spjall *við fórum í Kringluna og ég keypti fallegan kjól *við ræktuðum frændgarðinn og hittum Ernu og Stebba og átum þynnkumáltíð þeim til samlætis á Kentucky Fried (eða Cow and Chicken Fridays hehehe) *við fórum í bæinn sem ég elska í sólskini en skítakulda *ég skutlaði Elfu Björk á BSÍ :( *ég var einmana í smá stund *ég borðaði kvöldmat kl. hálf tíu ásamt fjölskyldunni og gestum að norðan *ég fór í bíó með stelpunum á Match Point sem var bara nokkuð góð *ég keyrði aðeins um *lærdóms-sunnudagurinn ógurlegi rann upp en ég var samt í góðu skapi *ég fór út að hjóla með tónlist í eyrunum og fór í sólbað í Nauthólsvík (í alvörunni sko) *ég fór á Listasafn Reykjavíkur og skoðaði fjórar sýningar þar ásamt ma og pa *núna er ég ein heima sem er kósý svo ég get hlustað á tónlist og dansað um í nýja, fína kjólnum mínum sem er samt svo rafmagnaður að hann svífur næstum því....=)
Jæja, það sem ég á eftir að gera áður en ný skólavika gengur í garð er að gera sálfræðiritgerð og halda áfram með stjörnufræðiverkefnið. Pís of keik....
Ég vil ljúka þessu með því að segja að ég elska Vesturbæinn.