Er hjá Vesturbæjarskóla...........plííís einhver skemmtilegur hjá Vesturbæjarskóla. Ágætt að vera nálægt húsinu mínu en ég hefði viljað vera hjá Grandaskóla
Jú!
Ég man eftir skólanum mínum! Kennarinn var alltaf að láta mig halda á sígarettunni sinni..........ég var rosa hneyksluð. Mamma og pabbi voru ekkert rosalega hneyksluð, þau vissu náttúrulega hvað Danir eru ligeglad.........ég var víst alltaf voða hneyksluð á öllu sem barn.
Ég var að skoða litlu frænku mína. Hún er mjög fallegt barn. Enda færi ég ekkert að segja að hún væri ljót ef hún væri það, en hún er í alvörunni mjög falleg. Alls ekkert krumpuð eins og nýfædd börn eiga til að vera. En ég sá aldrei í augun hennar, hún var sofandi allan tíman en var alltaf að gera einhverja skrýtna svipi.
Og nú er Hrafnhildur orðin stórasystir. Ég held hún eigi nú alveg eftir að höndla það, hún er svo bráðþroska, ekki orðin tveggja ára og það kjaftar á henni hver tuska.
Nú er ég búin í grunnskóla og mér ber ekki skylda til að læra nokkurn hlut nokkurn tíma aftur. En ég hugsa samt að ég geri það, skynsamlegt uppá góða vinnu í framtíðinni og svoleiðis.
Nú hef ég eignast litla frænku. Hún fæddist kl. 18 59 í dag, 3. júní. Ég hef ekki séð hana en hún er örugglega æðislega sæt eins og systir hennar. Ég er einmitt að bíða eftir myndum af henni sem Ingólfur sagðist ætla að senda mér en þær eru ekkert á leiðinni að því er virðist svo ég held að ég fari bara að sofa.
Ég hlakka alveg geðveikislega til að fara til Kaupmannahafnar. Ég hef ekki komið til útlanda síðan ég bjó þar fyrir utan eina helgarferð til London sumarið 2000 sem varla telst með. Ég bjó á Hessensgade á Amager í Kaupmannahöfn þegar ég var sjö ára. Ég man lítið eftir skólanum mínum, merkilegt nokk, en ég man vel eftir fólkinu sem bjó í blokkinni minni. Það voru Færeyingar, Grænlendingar, svart fólk sem ég man ekki hvaðan var (bjó reyndar í blokkinni á móti), auðvitað Danir og svo við Íslendingarnir. Þetta var mjög fjölþjóðleg blokk. Grænlendingarnir voru skemmtilegastir, Færeyingarnir svo sem í lagi en Danirnir voru alltaf að sparka í mig. Eða einn þeirra. Hinir voru þolanlegir.
Jæja nú vantar mig ekki íbúð lengur.
En mig vantar enn hjól og bróður minn vantar enn vinnu, að ég held.
Við erum nefnilega búin að fá sumarhús í Köge, rétt fyrir utan Kaupmannahöfn, rétt hjá strönd og alles í tvær vikur og við borgum aðeins 25.000kr. Það er geggjað.
Í morgun var ég að þrífa íbúðina hjá Ingólfi og Monicu vegna þess að Monica er ólétt. En hún verður það líkast til ekki mikið lengur því að hún er uppi á fæðingardeild rétt í þessum skrifuðu orðum að ala stúlkubarn. Ég er semsagt að eignast litla frænku. Það er ánægjulegt:)
Svo eru skólaslit á morgun og þá hef ég endanlega sagt skilið við grunnskólann. Þá er tíu ára löngu tímabili í lífi mínu að ljúka. (Eiginlega ellefu því ég var í forskóla í Kanada). Það er nú gaman. Þá fara semsagt menntaskólaárin mín, vonandi fjögur en ekki fleiri, að hefjast. Margir vilja meina að menntaskólaárin séu skemmtilegustu árin í lífi manns. Svo ég ætti að hlakka til. Og svei mér þá, ég held að ég geri það bara.
Ég er farin að gleðjast yfir atburðum dagsins.......
Lag dagsins:
Waterloo Sunset - Elliott Smith og eitthvað fleira fólk held ég.
Fólk hefur verið að ásaka mig um leti hvað viðkemur bloggskrifum og ætla ég því hér með að ráða bót á því. En fyrst ætla ég að setja inn þrjár smáauglýsingar:
Íbúð óskast.
Þar sem ég ásamt hluta fjölskydu minnar er á leið í frí til Kaupmannahafnar í eina til tvær vikur í byrjun ágúst næstkomandi óskum við eftir að leigja þar litla íbúð fyrir lágt verð. Þekkið þið einhvern í Kaupmannahöfn sem er á leið í frí á þessum tíma og er til í að leigja íbúðina sína?
Reiðhjól óskast.
Sökum þess að einhver óprúttin, samvisku- og tilfinningalaus manneskja tók sig til og rændi hjólinu mínu um daginn (það var samt eiginlega ónýtt) óska ég hér með eftir notuðu reiðhjóli til kaups, á ákaflega lágu verði.
Atvinna óskast.
Þessi smáauglýsing er ekki fyrir mig heldur bróður minn á 19. ári sem er að hluta til atvinnulaus og vantar því hlutastarf í sumar. Hann sættir sig við nánast hvað sem er, að eigin sögn. Hann hefur áður unnið við uppvask, lagerstörf og ýmislegt fleira smálegt.
Ef þú, lesandi góður, telur þig hafa í fórum þínum íbúð í Kaupmannahöfn, reiðhjól eða atvinnu máttu endilega hafa samband við mig í tölvupósti, audurvid@hotmail.com, eða bara í kommenta hér að neðan. Takk fyrir.
Mér leiðist......og ég nenni ekki að fara að sofa því ég veit að um leið og ég vakna bíður mín ekkert nema tiltekt......já svona er nú lífið :(
Í dag er ég bara búin að hanga heima því það var rigning og ég nennti ekkert út svo ég ákvað að vera inni og laga til en það varð ekkert úr því. Ég hef heldur engar hillur til að setja draslið mitt í svo það er ekkert skrýtið.
Svo ég skundaði í Ikea að leita mér að hillum með pabba mínum. Við löbbuðum framhjá sýnishillu með nokkrum bókum í svona til að sýna fram á notagildi hillunnar. Og hvað gerir hann pabbi minn? Nælir sér í eina bók og fer að lesa! Já það var svolítið fyndið................
Ég hata rækjur oj! Ekki einungis eru þær ógeðslegar á bragðið heldur eru þettar viðurstyggileg kvikindi. Ég sá einusinni rækjur á sædýrasafni, þær voru gráar og líktust helst risastórum marflóm (sem eru viðbjóður). Rækjur eru einu dýrin ásamt kóngulóm sem ég hef andstyggð á. Annars þykir mér vænt um öll dýr jarðarinnar, sérstaklega jakuxa, sæotra og rostunga...........
Mig langar í tjaldaferðalag.......það er svo gaman, sérstaklega í rigningu.
Hvernær á ég að byrja að æfa á bíl?
Verð bara að hefa eitt lag í viðbót sem lag dagsins:
