Það er nú aldeilis komið líf í bloggheiminn. Steinvör og Saga og bara ólíklegasta fólk byrjað að blogga:)
Ég verð líklegast ein heima í kvöld en ég get ekki haldið villt partý því það er allt í drasli. Ég hefði lagað til en mamma sagði mér ekki að ég yrði ein heima fyrr en bara fyrir hálftíma. Og svo sagði hún: "þú getur nú bara drifið í því að laga til inni í stofu og boðið einhverjum". Þessar mömmur eru svo sniðugar.
Ég ætlaði að vera svo dugleg að læra í dag en mér varð ekkert ágengt. Ég er alveg hætt að nenna að læra. Og það sem meira er, mér er alveg skítsama. Sem er ekki gott. Og vso er ég alveg hætt að vera stressuð fyrir próf. Sem er heldur ekki gott. Eins gott að ég fór ekki í MR segi ég nú bara, þá hefði ég sko verið í djúpum skít. En þetta reddast, eins og ég segi alltaf. Og yfirleitt reddast það líka, það er mín reynsla.
Ég var að muna eftir því að ég er að öllum líkindum enn skráð sem meðlimur í Sjálfstæðisflokknum, og líklega Heimdalli líka þar sem ég hef ekki fengið neitt svar um að ég hafi verið skráð úr honum, þó að ég hafi beðið sérstaklega um það þegar ég sendi bæði flokknum og þessum heimska Heimdalli kurteisislegt úrsagnarbréf.
Ég ætlaði alltaf bara að fara í Valhöll í eigin persónu því það er víst það sem maður þarf að gera til að segja sig úr flokki, jafnvel þó að maður hafi verið skráður í hann að sér óafvitandi. Ég verð að fara að drífa í því, því það er jú bara fráleitt að ég skuli vera skráð í þennan flokk.
Jeeeeeiiiiiiijjj.......mér voru að áskotnast 8000 krónur!!!
Það gerist nú ekki á hverjum degi en þannig er mál með vexti að um helgina gaf pabbi minn út bók sem nefnist Andvökuskáld og er annað bindi ævisögu ekki ómerkari manns en Stephans G. Stephanssonar. Hana var ég að selja um helgina, bæði á föstudagskvöldinu í útgáfuteitinu (þar sem forsetinn var og ég vinkaði honum) og svo á laugardeginum og sunnudeginum á ráðstefnu. Þessi sala tók svona um það bil fjóra klukkutíma af lífi mínu sem þýðir að ég fékk 2000 krónur á tímann. Ekki slæmt......kannski maður ætti bara að fara að stunda bóksölu.
Kannski ég leggi þessar krónur inn á banka og láti þær verða fyrstu innborgun í feðasjóð minn og Egils, þ.e.a.s. ef hann er ekki hættur við að fara með mér til Ástralíu. Ertu það nokkuð Egill?
Um helgina fór ég svo á tónleika bill bourne í Norræna húsinu en hann er Kanadískur afkomandi Stephans G. Stephanssonar og er tónlistamaður. Mjög svalur tónlistamaður. Hann gaf mér diskinn sinn. Á tónleikunum hitti ég svo KK og Óla Þórðar úr Ríó Tríó.
Og svo var afmæli hjá Eddu og Laufeyju á Laugardagskvöldið sem var mjög skemmtilegt.
Síðasta helgi var semsagt mjög viðburðarrík, allavega miðað við síðustu helgar, sem hafa liðið í algjörum leiðindum og vesælu. Ég vil líta á þessa síðustu helgi sem upphafið að tímabili viðburðarríkra helga hjá mér.
Undanfarið hef ég verið mikið að velta því fyrir mér hvort ég eigi að skipta um skóla eða kannski skipta yfir á félagsfræðibraut. Það er ekki vegna þess að ég vil losna við þig Steinvör mín, neinei langt í frá. Mér bara leiðist alltaf svo mikið og nenni aldrei að læra heima og ég komst að þeirri niðurstöðu að þetta væri sökum þess hve lítið félagslíf virðist vera í Kvennó, sem er skrítið því ég hef alltaf heyrt að félagslífið þar sé svo blómlegt. Það er bara eins og það sé alltaf að gerast eitthvað skemmtilegt annars staðar en hjá mér, eins og tildæmis í MR. Þar er alltaf eitthvað í gangi.
Ég er samt eiginlega komin að þeirri niðurstöðu að þetta sé bara pjúr skólaleiði, sem geti í rauninni komið upp í hvaða skóla sem er og leiðindi mín stafi eingöngu af því hversu eirðarlaus manneskja ég er. Svo ég ætla að gefa Kvennó séns allavega þennan vetur. En ég er enn að velta því fyrir mér hvort ég eigi að skipta yfir á félagsfræðibraut. Mér er sagt að það sé ekki sniðugt..........
Jæja ég er farin að reyna að læra.
Sigþór er kominn með skemmtilegt og fróðlegt blogg, endilega skoðið.
Lag dagsins:
Led Zeppelin - Dyer maker eða eitthvað álíka