Ég vildi að ég ætti græjur. Vill einhver gefa mér græjur? Svo vantar mig líka ferðageislaspilara eða kannski minidiskaspilara.................vill einhver gefa mér svoleiðis? Ég á afmæli eftir 10 daga. Ég skora á ykkur öll................
Ég er búin að vera fullkomlega einangruð í dag..........ég er ekki búin að tala við nokkurn mann.......nema fjölskyldu mína (þau eru öll villimenn). Jú reyndar var ég dugleg og fór í sund í morgun og synti og þá hitti ég Eddu og Thelmu.
Reyndar var ég ekkert rosalega dugleg því að ég synti harla lítið. Það var ekki hægt að synda neitt að ráði fyrir öllu gamla fólkinu sem silaðist áfram á metershraða á klukkustund eftir öllum sundbrautunum. Þetta kennir mér að fara ekki í sund svo snemma á laugardagsmorgni því þá er allt gamla fólkið á sveimi. Ég hef tekið eftir því á langri ævi minni að gamalt fólk vaknar alltaf rosalega snemma. Klukkan svona sex eða eitthvað.
Ekki ætla ég að vera svoleiðis þegar ég kemst á eftirlaun..............nei, ég ætla að njóta þess að geta sofið út.
Mig langar svo sjúklega í sumarfrí. Mig hefur aldrei langað jafn mikið í nokkurn hlut á minni löngu ævi. Ég held að ég sé að verða klikk. Já meðan ég man, þá er ég búin að skíra nágranna mína, kóngulærnar. Eða ég meina gefa þeim nöfn, ég get auðvitað ekki skírt þær því ég veit ekkert hvaða trú þær aðhyllast. Þær heita Gúnter, Gorgerður, Hergils, Bertill og Jón. Ég hef ekkert séð þær í allan dag og ég er að vona að þær séu ekki einhversstaðar inni hjá mér, undir sæng eða eitthvað svoleiðis, því að glugginn minn var opinn í dag :/
Ég vona að fólk sem þekkir mig ekki sé ekki að lesa þetta því það gæti haldið að ég væri bara klikkalingur eða algjör lúði eða eitthvað...............sem ég er ekki.
Og þó, kannski er ég þetta tvennt. En mér er alveg sama.
Egill og vinur hans eru að fara að kynna MR í Hagaskóla þegar allar menntaskólakynningarnar verða. Það verður nú gaman. Ég hvet alla til að fara í stofuna og hlæja að þeim og benda á þá. Og fara síðan út.
Nei ég er bara að grínast. Það má enginn hlæja að þeim. Nema ef þeir segja eitthvað fyndið. Þá má endilega hlæja.
Ohhh........mér leiðist. Ég nenni ekki að læra íslensku lengur. Ég er búin að vera að læra íslensku í allan dag. Núna er ég að borða ótrúlega góðan hamborgara.
Já gleðilegt sumar öllsömul.
Það var veðurfræðingur sem sagði í blaðinu í gær eða fyrradag að sumarið yrði gott en skordýrasamt. Það er nú ágætt að það verði gott sumar..........en mér er ekkert vel við skordýr, sérstaklega ekki kóngulær. Skordýr geta svosem verið alltílagi útí í villtri náttúru þar sem mín afskipti af þeim eru lítil sem engin en í mínu húsi vil ég helst geta farið í sturtu án þess að kóngulær skríði upp fótleggi mína.
Síðustu daga hef ég verið að kynnast nýju nágrönnum mínum, kóngulónum sem settust að fyrir utan gluggann minn nýlega. Þær eru fimm, ein lítil, ein stór og þrjár meðalstórar. Sú stóra býr í þakrennunni en hún er voða sjaldan heima. Svo ég þekki hana ekkert rosalega vel. Sú litla er eiginlega mest heima.
Svona verður maður einhverfur af því að hanga heima og læra alla daga.
Mér leiðist svo mikið.
Eru ekki allir búnir að fara inn á bloggsíðu bróður míns til að komast að því hvort þeir séu efni í raðmorðingja? ........eins og móðir mín.......... :/
Lag dagsins er There There með Radiohead fyrir Egil því það er uppáhalds lagið hans með Radiohead og hann er búinn að vera að ofspila það í tvær vikur.
Í dag var fyrsti skóladagurinn eftir páskafrí. Það var nú ekkert rosalega gaman en samt ekkert leiðinlegt svosem. Ég kom ekki of seint í leirmótun í fyrsta skipti á önninni.
Ég er nefnilega haldin þeim leiðigjarna kvilla að geta ómögulega mætt á réttum tíma í skólann. Mér er bara fyrirmunað að leggja af stað heiman frá mér fyrir kl. 8. Samt vakna ég alltaf fyrir sjö.
Og það er gaman að segja frá því að ég er ennþá með 10 í mætingareinkunn eftir því sem ég best veit.
Í dag fékk ég að vita að það er kannski ætlunin að láta okkur 10. bekkingana taka vorpróf í hinum ýmsustu greinum úr námsefninu sem við förum í eftir samræmdu. Þetta á held ég aðallega við um ensku. Þetta er bara með því vitlausasta sem ég hef um ævina heyrt. Ég taldi og það eru nákvæmlega fimm skóladagar frá því að við komum úr Þórsmerkurferðinni og þar til vorprófsdagar hefjast. Þar af eru 3-4 enskutímar. Hæstvirtir ráðamenn skólans virðast ekki gera sér grein fyrir því. Þeir virðast heldur ekki gera sér grein fyrir því að við erum flest búin að sitja sveitt við lærdóm mikinn hluta páskafrísins og munum sitja sveitt við lærdóm næstu 19 dagana. Jésús Pétur.
Ég hvet alla til að fara inn á bloggsíðu bróður míns undir linknum "egill" og svara geðveikisspurningunni. Mamma mín svaraði henni rétt.......=/
Það eru tveir dagar í sumardaginn fyrsta.
Það er ótrúúúúlega gott veður. Ég fór í sund áðan með Steinvöru, Signýju og Hildi. Það var æðislegt, alveg eins og að vera í sólarlandi. Eða kannski ekki alveg en svona næstum því. Ég get reyndar ekki sagt til um það því ég hef aldrei komið til sólarlands. En ég held að það sé einhverveginn svona. Nema laugarnar eru víst kaldari þar. Það segir Signý, sem hefur einmitt bara komið til sólarlanda.
Það er reyndar ekkert allt æðislegt við sumarið. Nú þegar ég lít út um gluggann minn í nýja herberginu mínu sé ég fimm meðalstórar kóngulær beit fyrir faman nefið á mér. Þetta gerir það að verkum að ég get ekki haft gluggann minn opinn, sem er mjög slæmt því að ég vil helst hafa gluggana mína opna. Ég held að húsið mitt hljóti að vera einhver alþjóðleg miðstöð kóngulóa. Það eru kóngulær útum allt. Jafnt stórar sem smáar. Hvert sem ég lít. Meira að segja inni í húsinu eru kóngulóavefir, úti um allt. Í hittifyrra þurftum við að úrýma rifsberjarunnanum okkar því að hann var allur morandi í kóngulóarvefjum. Og nú fæ ég engin rifsber lengur. Og í fyrrasumar voru tveir kóngulóarvefir úti í garði með trilljón litlum kóngulóarbörnum í. Já, við þetta bý ég. Ekki mjög eftirsóknarvert.
Nú ætla ég að hætta að röfla um kóngulær því það er ekkert gaman að lesa um svoleiðis.
Ég ætla að drífa mig út í garð og halda áfram að lesa um kraft og hreyfingu.
Nú er síðasti dagur páskafrísins. Og hvað ætla ég að gera? Já, ég ætla að læra. En ég ætla ekki að læra dönsku, eins og ef til vill mætti halda af fyrirsögninni. Nei, ég ætla að læra þá mikilvægu námsgrein náttúrufræði. Stundum gríp ég bara til dönskunnar til að krydda málfar mitt;)
Í morgun vaknaði ég við sigurrós því Egill svaf í allan gærdag og vaknaði því klukkan sjö eða eitthvað og fór að spila sigurrós dulítið hátt. Hann er alltaf svo tillitssamur. Reyndar er mjög þægilegt að vakna við sigurrós. Svo þetta var í raununni alltílagi.
Í gær komu Hildur, Steinvör, Helga, Signý og Gugga í óvænta heimsókn til mín að sjá herbergið mitt. Það var mjög gaman og ég vil þakka þeim fyrir það:)
Hvernig líst fólki á breytinguna mína? Mér finnst hún æði.
Nú ætla ég að fara að læra þó að ég nenni því enganveginn og ég hvet alla til að gera slíkt hið sama.....................nema þá sem þurfa þess ekki.
Lag dagsins:
Lagið sem ég vaknaði við í morgun og er með sigurrós en ég man ekki hvað það heitir.
Já það er gaman að vita að fólk les síðuna mína. Það hvetur mig til dáða, ég ætti kannski að fara að reyna að laga hana.
Titanic var að klárast í sjónvarpinu núna rétt í þessu og ég var að horfa á hana með bræðrum mínum. Billy Zane er svo mikill töffari. Það mætti halda að hann væri bara in-zane! hahahahahahaha...........ég fattaði upp á þessum skondna brandara hérna áðan. (Hann er kannski ekki alveg jafn fyndinn skriflega). En það er einn kall í myndinni sem leikur kallin sem er alltaf að elta fólkið og er alltaf með byssu. Hann minnir mig ótrúlega mikið á Bessa Bjarnason.
Ég held sko að þetta sé í fimmta skiptið sem ég sé þessa óendanlega löngu mynd (samt ekki kannski alltaf í fullri lengd). Ég held að ég hafi farið tvisvar á hana í bíó á sínum tíma þegar ég var lítil ellefu ára gelgja:/
Annars er það að frétta að ég er búin að fá nýja herbergið mitt:D
En ég verð að hryggja ykkur með því, kæru lesendur, að ég get ekki haldið villta partýið mitt alveg strax vegna anna við próflestur og svoleiðis leiðindi.
Lag dagsins:
Væmna titanic lagið sem Celine Dion syngur því það er spilað svona 39 sinnum í myndinni í mismunandi útgáfum.
