Á morgun er fyrsti venjuegi skóladagurinn síðan á þriðjudaginn. Maður skyldi halda að það væri sorgardagur og að ég væri í þunglyndi núna eeeeen...svo er ekki af því að: a) ég er búin kl. 14:20 í staðinn fyrir 17:40, b) síðustu dagar eru búnir að vera mjög endurnærandi, skemmtilegir og menningarlegir að ég er alveg tilbúin í heila skólaviku.... :0
Ég ætla að setja atburði liðinna daga á punktaform svo ég geti lesið það í gatinu mínu á morgun og munað eftir öllu skemmtilega sem ég gerði. Þið þurfið ekkert að lesa þetta frekar en þið viljið...
*það var sól allan tímann *ég labbaði í Elliðaárdalnum *ég svaf *ég málaði tré og kött á keramikkrús *ég vann pínu *ég kíkti í kökuboð *ég horfði á Aþþró með Steinvöru og Signýju og lærði svo ensku fyrir Signýju og teiknaði ljótar myndir í stílabókina hennar og skrifaði líka skilaboð *ég fór í heimsókn í Kvennó *ég reyndi að æfa mig að teikna mannslíkamann *Elfa Björk kom í laaangþráða heimsókn :D *við náðum í Hrafnhildi og Söru á leikskólann *við fórum í Smáralind *við fórum á ræðukeppni MR og Versló þar sem MR vann :) *við hittum skemmtilegt fólk í ísbúðinni og fórum ásamt því heim til mín í létt spjall *við fórum í Kringluna og ég keypti fallegan kjól *við ræktuðum frændgarðinn og hittum Ernu og Stebba og átum þynnkumáltíð þeim til samlætis á Kentucky Fried (eða Cow and Chicken Fridays hehehe) *við fórum í bæinn sem ég elska í sólskini en skítakulda *ég skutlaði Elfu Björk á BSÍ :( *ég var einmana í smá stund *ég borðaði kvöldmat kl. hálf tíu ásamt fjölskyldunni og gestum að norðan *ég fór í bíó með stelpunum á Match Point sem var bara nokkuð góð *ég keyrði aðeins um *lærdóms-sunnudagurinn ógurlegi rann upp en ég var samt í góðu skapi *ég fór út að hjóla með tónlist í eyrunum og fór í sólbað í Nauthólsvík (í alvörunni sko) *ég fór á Listasafn Reykjavíkur og skoðaði fjórar sýningar þar ásamt ma og pa *núna er ég ein heima sem er kósý svo ég get hlustað á tónlist og dansað um í nýja, fína kjólnum mínum sem er samt svo rafmagnaður að hann svífur næstum því....=)
Jæja, það sem ég á eftir að gera áður en ný skólavika gengur í garð er að gera sálfræðiritgerð og halda áfram með stjörnufræðiverkefnið. Pís of keik....
Ég vil ljúka þessu með því að segja að ég elska Vesturbæinn.
Nú eru liðinn u.þ.b. einn og hálfur mánuður síðan ég fór á tónleika síðast. Það er engan veginn ásættanlegt. Því hef ég ákveðið að fara bráðum á tónleika. Það er margt í boði: José González á Nasa 13. mars (sá hann reyndar á Airwaves), Ampop, Dikta og Hermigervill á Nasa 17. mars, CocoRosie einnig á Nasa 17. maí ofl. ofl. ofl....verst hvað þetta er allt saman ógeðslega dýrt og verst að það nennir aldrei neinn með mér...
En svo náttúrulega styttist óðum í Hróarskeldu og svo eru comeback tónleikarnir á næsta leiti eða kannski þar næsta :D
Ég labbaði 1 og 1/2 hring í kringum Elliðaárdalinn í morgun. Þegar ég kom heim sá ég fram á góðan dag, engar skyldur framundan þangað til á morgun kl. 11 (eða allavega engar aðkallandi). Svo ég ákvað að leggjast undir sæng og horfa á nokkra OC þætti sem ég hef misst af síðustu vikur og bíða eftir að systkini mín kæmu heim með öskudagsnammi handa mér (Gunnhildur kom svo skömmu seinna, hún stóð sig mjög vel í nammis-hömstrun). Ekki fór þó betur en svo að ég sofnaði yfir annars misljúfri atburðarrásinni í Orange County. Svo vaknaði ég eftir tvo klukkutíma og núna finnst mér eins og allt sem gerðist í morgun hafi gerst í gær og allt sem gerðist í gær hafi gerst í fyrradag. Ég er ekki alveg að höndla það að sofna á daginn....ég er nefnilega nýgræðingur í þessu. Þetta fór ekki að gerast fyrr en eftir að ég byrjaði að vakna kl. 6:20 á hverjum degi til að taka strætó út á hjara borgarinnar. Svo bætir ekki úr skák að mig dreymdi að alls konar fólk væri að biðja mig um að gera alls konar hluti fyrir sig, passa börnin sín, setja í þvottavél fyrir sig, vinna fyrir sig.....og allt í einu var fríið mitt uppbókað sem átti að fara í leti og að vinna upp lærdóm. Eftir að ég vaknaði hefur því tilfinningin um að ég eigi að vera að gera eitthvað annað sífellt verið að ásækja mig >:|
Og hvaða lærdóm er hægt að draga af þessu? Jú, best er að takmarka svefn við nóttina!
